سائل خواجو: ڊاڪٽر نبي بخش خان بلوچ پنهنجي ڪتاب ’ٽيهه اکريون‘ (ڀاڱو ٻيو) ۾ سائل خواجي بابت ڄاڻائي ٿو ته: ”خواجه حافظ سليمان التخلص سائل ڳوٺ کهڙا ضلعي خيرپور جو ويٺل هو، سندس والد جو نالو حافظ سعد الله خواجو هو. هي ٻئي پيءُ ۽ پٽ قرآن مجيد جا حافظ هئا. سائل خواجو درويش صفت شاعر هو، سندس مولود، مداحون، خطبا ۽ ٽيهه اکريون مشهور آهن. 80 ورهين جي ڄمار ۾ سائل خواجي 1940ع ڌاري وفات ڪئي.“ سندس شاعريءَ جو نمونو هيٺ پيش ڪجي ٿو:
الف اول آهه الله، تنهنجي پٺيان پوءِ بي بس آهي،
سمجهه سائل تون هي جڳ سارو، ترت تماشو طلسم وارو،
پاڻ ڀانئي بادشاهه، پر ٻانهو ڀي پورو ناهي.